Yasamal rayonu ictimaiyyəti Ulu Öndərin xatirəsini anıb

Bu gün Yasamal rayonu İcra Hakimiyyəti, Yeni Azərbaycan Partiyasının (YAP) Yasamal rayon təşkilatı və AMEA Mərkəzi Elmi Kitabxanasının birgə təşəbbüsü ilə Ulu Öndər Heydər Əliyevin əbədiyyətə qovuşmasının ildönümü ilə əlaqədar anım mərasimi keçirilib.Öncə mərasim iştirakçıları Ulu Öndərin əziz xatirəsini bir dəqiqəlik sükutla yad etdilər. Daha sonra isə Ulu Öndərin ictimai-siyasi fəaliyyətindən bəhs edən sənədli filmin baxışı keçirildi.Tədbiri giriş sözü ilə açan Yeni Azərbaycan Partiyası (YAP) Yasamal rayon təşkilatının sədri Bəxtiyar Nəbiyev Ümummilli Liderin müasir Azərbaycan dövlətinin qurulmasında və təşəkkül tapmasında müstəsna xidmətlərindən söz açdı.

Tədbirdə çıxış edən Yasamal rayonu İcra Hakimiyyətinin başçısı Elşad Həsənov Ulu Öndərin siyasi və dövlət xadimi kimi zəngin fəaliyyətinin Azərbaycan xalqının tarixində dərin izlər buraxdığını qeyd etdi. Elşad Həsənov bildirdi ki, Heydər Əliyevin siyasi irsi əsl dövlət idarəçiliyi məktəbinə çevrilib və bu gün biz bundan faydalanırıq.Yasamal rayonu İcra Hakimiyyətinin başçısı Elşad Həsənov bu gün Ulu Öndərin siyasətinin onun layiqli davamçısı, cənab Prezident İlham Əliyev tərəfindən uğurla davam etdirildiyini bildirdi. Qeyd olundu ki, Ulu Öndərin adını daşıyan Heydər Əliyev Fondu ölkəmizdə sosial, elm, mədəniyyət və digər sahələrdə əvəzolunmaz işlər görür. Heydər Əliyev Fondunun prezidenti, Azərbaycanın Birinci vitse-prezidenti Mehriban xanım Əliyevanın xeyriyyəçilik fəaliyyəti ölkə vətəndaşları arasında ona böyük sevgi və rəğbət qazandırıb.

Dah sonra anım mərasimində çıxış edən YAP Vetaranlar Şurasının üzvü Misir Mərdənov Ulu Öndərlə bağlı xatirələri ilə bölüşdü. Anım tədbirində çıxış edən AMEA Mərkəzi Elmi Kitabxanasının baş direktoru Məmməd Əliyev isə  Ulu Öndərin siyasi irsinin gələcək nəsillər üçün əhəmiyyətindən söz açdı.Tədbirdə çıxış edən digər natiqlər Heydər Əliyevin Azərbaycan dövlətçiliyinin təşəkkülü və inkişafı prosesində müstəsna rolundan söz açdılar.

Tədbir bədii hissə ilə başa çatdı.