Dövlət Sosial Müdafiə Fondu Yasamal rayon şöbəsinin inzibati binası istiadəyə verildi
A.M.Şərifzadə küçəsi,201 saylı ünvanda Dövlət Sosial Müdafiə Fondu Yasamal rayon şöbəsinin inzibati binası istiadəyə verildi. Açılış mərasimində Dövlət Sosial Müdafiə Fondunun sədri Səlim Müslümov və Yasamal rayon İcra Hakimiyyətinin Başçısı İbrahim Mehdiyev iştirak etdilər.
Açılış mərasimində çıxış edən DSMF-nin sədri S.Müslümov bildirdi ki, 3 mərtəbəli inzibati binanın ümumi sahəsi 800 kv.m-dir, rayon şöbəsi bütünlüklə müasir texniki avadanlıqlarla təchiz edilmişdir. DSMF Yasamal rayon şöbəsinin informasiya bazası ümumi baza ilə əlaqəli fəaliyyət göstərir, şöbənin 53 nəfərdən ibarət işçi heyəti 35000 nəfər təqaüdçüyə xidməti təmin edir.
Mərasimdə Yasamal rayon İcra Hakimiyyətinin Başçısı İbrahim Mehdiyev təbrik nitqi ilə çıxış edərək DSMF Yasamal rayon şöbəsinin işindən razılığını bildirdi və qeyd etdi ki, rayon şöbəsinin əsas nailiyyəti ondan ibarətdir ki, indiyədək pensiyaların təyinatı ilə əlaqədar şikayət halları müşahidə edilməmişdir. O, çıxışının sonunda şöbənin əməkdaşlarına uğurlar arzuladı.
