Yasamal rayonunda növbəti Novruz şənliyi

21 mart 2019 | 11:00

Martın 21-də Yasamal rayonu Elmlər Akademiyasının qarşısındakı istirahət parkında Yasamal rayon İcra Hakimiyyəti Başçısı aparatının təşkilatçılığı ilə Novruz bayramı növbəti dəfə qeyd edildi.

Bayram şənliyində Yasamal rayon İcra Hakimiyyətinin Başçısı Əziz Əzizov, rayon İcra Hakimiyyətinin Başçısı Aparatının, Yasamal bələdiyyəsinin, orta ümumtəhsil, səhiyyə və digər idarə, müəssisə və təşkilatların kollektivləri, rayon sakinləri iştirak etdilər. Bayram şənliyində tamaşaçılara İ.Əbilov adına Mədəniyyət Mərkəzinin konsert proqramı təqdim olundu. Kəndirbazların çıxışları şənliyə əsl bayram ab-havası gətirdi. Novriz tonqalını iştirakçılar, xüsusilə uşaqlar böyük maraqla qarşıladılar.

Bayram şənliyi iştirakçıları üçün bu gün də təşkil edilmiş ödənişsiz ictimai iaşə xidməti tədbirin cazibədarlığını və rayon sakinlərinin tədbirə olan marağını daha da artırdı.

Mart ayının 2-dən böyük coşqu ilə bu ərazidə təşkil olunmuş Novruz yarmarkası sakinlərin rahat və olduqca ucuz bayram azuqələrini əldə etməyə imkan yaratdı.

Keçidlər