Yasamal rayon ictimaiyyəti aprel şəhidlərini yad edib
2016-cı ilin aprel döyüşlərində Azərbaycan Ordusunun qazandığı tarixi qələbənin ildönümü ilə əlaqədar II Fəxri Xiyabanda anım mərasimi keçirilib. Azərbaycanın müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib,məzarları önünə gül dəstələri qoyulub. Anım mərasimində Yasamal Rayon İcra Hakimiyyətinin başçısı Elşad Həsənov, Milli Məclisin deputatı Göydəniz Qəhrəmanov, YAP Yasamal rayon təşkilatının sədri Bəxtiyar Nəbiyev, şəhid valideynləri, rayon ictimaiyyəti və gəncləri, döyüş dostları, yaxınları və doğmaları bir araya gəldilər.
Aprel döyüşlərində Yasamal rayonundan hərbi xidmətə çağırılmış 4 nəfər əsgər və zabit şəhid olmuş, 4 nəfər ağır yaralanmışdır, bir nəfər “Azərbaycanın Milli Qəhrəmanı” adına layiq görülmüşdür. Mərasim zamanı şəhidlərin ruhuna dualar oxundu. Anım mərasimindən sonra Yasamal rayon İcra Hakimiyyətinin başçısı Elşad Həsənov şəhid ailələri ilə görüşdü, onlara dərin hüznlə başsağlığı verdi, gündəlik qayğıları ilə maraqlandı.
