Mətbuat prospekti 24, 24A ünvanında abadlaşdırılmış nümunəvi məhəllənin və mini futbol meydançasının açılış mərasimi keçirilmişdir.
Azərbaycan xalqının Ümummilli lideri, Ulu Öndər Heydər Əliyevin anadan olmasının 91-ciil dönümü münasibətilə Yasamal rayon İcra Hakimiyyəti Yasamal Bələdiyyəsi ilə birgə Mətbuat prospekti, 24, 24A ünvanında abadlaşdırdığı nümunəvi məhəllənin və mini futbol meydançasının açılış mərasimi keçirilmişdir.
Tədbirdə Yasamal rayon İcra Hakimiyyətinin Başçisi İbrahim Mehdiyev, Milli Məclisin deputatı, akademik Abel Məhərrəmov, Yasmal Bələdiyyəsinin sədri Zakir Cəfərov, Yasamal rayon icra hakimiyyətinin məsul vəzifəli şəxsləri, Yasamal Bələdiyyəsinin üzvləri, Rayonun mənzil-təsərrüfat və xidmət təşkilatlarının rəhbərləri, KİV nümayəndələri və 200 nəfərə yaxın məhəllə sakini iştirak edirdilər.
Tədbiri girş sözü ilə açan Yasamal Rayon İcra Hakimiyyətinin Başçısı İbrahim Mehdiyev Ulu Öndər Heydər Əliyevin anadan olmasının 91-ci il dönümü münasibətilə rayonda çoxsaylı tədbirlərin həyata kecirtdiyini bildirdi. O, bu ərəfədə rayonda geniş vüsət alan abadlıq-quruculuq işləri barədə sakinlərə məlumat verdi və bu istiqamətdə rayon bələdiyyəsinin işini xüsusi vürğuladı.
Tədbirdə Yasamal Bələdiyyəsinin sədri Zakir Cəfərov çıxış edərək bildirdi ki, Ulu Öndər Heydər Əliyev tərəfindən təəməli qoyulan yerli özünüidarəetmə orqanları olan bələdiyyələrin fəaliyyəti və inkişafı üçün ölkə Prezidenti İlham Əliyev Cənabları tərəfindən hərtərəfli şərait yaradılmış, yerli hakimiyyət orqanı kimi onların hüquqi və maliyyə-iqtisadi əsasları yaradılmışdır. Dövlət başçısının yaratdığı bu şəraitdən bəhrələnərək bələdiyyələr respublikamızın social-iqtisadi inkişafında mühüm əhəmiyyətli proqramların həyata keçirilməsində və yerli əhəmiyyətli məsələlərin həllində fəal iştirak edirlər. Yasamal Bələdiyyəsi də yarandığı gündən rayon İcra Hakimiyyətinin tövsiyyələri və koordinasiyası əsasında rayonda coxsayli abadlıq-quruculuq işlərinin yerinə yetirilməsində iştirak etmiş, rayon sakinlərinin social problemlərin həlli ilə bağlı məqsədyönlü fəaliyyət göstərmişdir. Fəaliyyətimizin əsas xəttini rayon sakinlərinə xidmət, onların rahatlığının və qarşılaşdıqları yerli problemlərin qisa bir müddətdə həll etməsi təşkil edir. Son iki il ərzində Yasamal bələdiyyəsi rayon ərazisində 4 yaşayış məhəlləsini tam abadlaşdırmış, 2 idman meydançası inşa edərək sakinlərin istifadəsinə vermişdir. Sosial qayğıya ehtiyacı olan yüzlərlə rayon sakinlərinə maddi və ərzaq yardımları göstərilmişdir.
Z. Cəfərov bildirdi ki, bu il Yasamal Bələdiyyəsi rayon İcra Hakimiyyətinin köməkliyi ilə abadlıq-quruculuq işlərinə Mətbuat prospekti 24, 24A ünvanında başlamışdır. Bu müddət ərzində bir hektara yaxın ərazi tullantılardan təmizlənmiş və təsdiq olunmuş layihə sənədlərinə uyğun olaraq planlaşdırma işləri aparılmışdır. Planlaşdırma və yaşıllıq zolaqlarının salınması məqsədilə əraziyə 600 kuba yaxın torpaq daşınmışdır.
Ərazidə 620 p/m bardyür çəkilmiş və 340 p/m bardyürlər arası yaşıllıq zolağı və 600 kv. metr yaşıllıq sahəsi düzəldilmiş, ümumilikdə əraziyə 100 ədəd küknar ağacı əkilmişdir.
Məhəllədə 16 ədəd oturacaq və hər birinin sahəsi 24.0 kv.m. olan 4 ədəd günlük quraşdırılmış, yerlərinə 96 kv. metr kv.m. üzlük plitə vurulmuşdur. Yaşayış məhəlləsində 2 yerdə uşaq idman meydançası tikilmiş, orda 2 yerli 2 ədəd yelləncək, 1ədəd sürüşkən və 2 ədəd idman qurğusu yerləşdirilmişdir.
Məhəllədə sahəsi 450 kv.m. olan stadion tikilmiş, ətrafına 90 p/m. hündürlüyü 0,5 metr ikiqat daş hasar çəkilmiş, hündürlüyü 3.0 metr olan 90 p/m metal profildən və paslanmamış metaldan tor çəkilmişdir. Məhəllənin ərazisində piyada zolaqları salınmış və ümumilikdə həmin zolaqlara 250 kv.m mozoik plitə döşənmişdir. Ümumilikdə məhəllədaxilinə 1800 kv. metrə yaxın yeni asfalt örtüyü çəkilmişdir.
Çıxışının sonunda Z. Cəfərov məhəllədə tikinti-abadlıq işlərinin aparılması zamanı göstərdikləri dəstəyə görə bütün məhəllə sakinlərinə minnətdarlığımızı bildirir və bu abad həyətin qorunub saxlanmasınıı onlardan xahiş etdi. Eyni zamanda o rayon sakinlərini əmin etdi ki, Yasamal Bələdiyyəsi gələcəkdə də Sizin dəstəyinizlə rayonun social-iqtisadi inkişafı istiqamətində fəaliyyətini daha da gücləndirəcəkdir.
Sonra rayon İcra Hakimiyyətinin Başcısı İbrahim Mehdiyev məhəllə sakinlərini narahat edən sullara cavab verdi və qaldirilan problemlərin həlli üçün yerindəcə müvafiq xidmət idarələrinin rəhbərlərinə lazımi göstərişlər verdi.
Məhəllədə mini fütbol meydançasının da açılışı oldu və kiçik yaşlı futbolçuların məhəllədaxili yarışına start verildi.
Tədbirdə iştirak edən rayon sakinləri məhəllənin abadlaşdırılması və onların istirahəti üçün yaradılan şəraitə görə Ölkə Prezidenti Cənab İlham Əliyevə, Yasamal rayon İcra Hakimiyyətinin və Yasamal Bələdiyyəsinin rəhbərliklərinə minnətdarlıqlarını bildirdilər.
Tədbir konsert proqramı ilə yekunlaşdı.
