Ulu öndər Heydər Əliyevin anadan olmasının 91-ci ildönümü ilə əlaqədar H.Zərdabi küçəsi, 87 saylı binanın həyətində nümunəvi məhəllənin və mini futbol meydançasının açılışı

Ulu öndər Heydər Əliyevin anadan olmasının 91-ci ildönümü ilə əlaqədar Yasamal rayon İcra Hakimiyyəti Başçısının təsdiq etdiyi tədbirlər planına uyğun olaraq bir sıra silsilə tədbirlər həyata keçirilmişdir. Tədbirlər planının abadlıq-quruculuq işləri çərçivəsində iməciliklərdə rayon İcra Hakimiyyəti Başçısının aparatı, rayon bələdiyyəsi, rayonun kommunal strukturları, idarə, müəssisə və təşkilatların kollektivləri yaxından iştirak etmişlər.

Ulu öndər Heydər Əliyevin anadan olmasının 91-ci ildönümü ərəfəsində Yasamal rayonunda iki ünvanda: H.Zərdabi küçəsi, 87 və Mətbuat prospekti, 22, 24 və 24A saylı evlərin ətrafında yeni nümunəvi məhəllələrin və idman meydançalarının yaradılması üçün rayonun daxili imkanları hesabına kompleks tədbirlər həyata keçirilmişdir.

Yasamal rayon İcra Hakimiyyəti tərəfindən H.Zərdabi küçəsi, 87 saylı binanın həyətində 1300 kv. m sahəni əhatə edən nümunəvi məhəllənin və idman meydançasının açılış mərasimi keçirildi. Açılış mərasimində rayon İcra Hakimiyyətinin Başçısı cənab İbrahim Mehdiyev, rayon İcra Hakimiyyəti Başçısı aparatı, rayon hüquq-mühafizə orqanlarının rəhbərləri, kommunal xidmət qurumlarının, idarə, müəssisə və təşkilatların, rayon ictimaiyyətinin, ictimai birliklərin nümayəndələri, həmçinin, ətraf ərazidə yaşayan sakinlər iştirak etdilər.

Açılış mərasimini rayon İcra Hakimiyyətinin Başçısı cənab İbrahim Mehdiyev açıq elan edərək nüminəvi məhəllədə həyata keçirilmiş işlər haqqında ətraflı məlumat verdi.

Nümunəvi məhəllədə 6000 kv. m asfalt örtüyü salınmış, 900 p/m bardür düzülmüş, yaşayış binalarının 2100 kv. m fasadı rənglənmiş, 300 kv. m divar aqlay daşı ilə üzlənmiş, kommunikasiya xətlərində əsaslı təmir işləri görülərək 20 ədəd lyuk yenisi ilə əvəz olunmuş, 4 ədəd 18 kv. m sahəsi olan günlük, 8 ədəd oturacaq quraşdırılmış, uşaqlar üçün idman-əyləncə qurğuları hazırlanmış, 27 m x 18 m ölçüdə mini-futbol stadionu yaradılmış, stadionun ətrafına 4 m hündürlüyündə metal tor çəkilmişdir.

Ərazidə yaşıllaşdırma işləri həyata keçirilərək 490 kub. m torpaq işləri görülmüş, 24 ədəd quru ağac kəsilmiş, 200 ədəd yeni ağac əkilmişdir.

Ərazi yeni işıqlandırma sistemi ilə təchiz edilmişdir.

Həyətdə mini fütbol meydançasının da açılışı oldu və kiçik yaşlı futbolçuların məhəllədaxili yarışına start verildi.

Rayon icra hakimiyyəti başçısının bu məhəllədə sakinlərlə keçirdiyi növbəti görüş zamanı çıxış edənlər yaradılan rahat şəraitdən məmnunluqla danışdılar və dövlətimizin başçısına insanlara göstərdiyi yüksək diqqət və qayğıya görə minnətdarlıqlarını bildirdilər.

Açılış mərasimi İ.M.Əbilov adına Mədəniyyət Mərkəzinin yeniyetmə və gənclərdən ibarət özfəaliyyət ansamblının üzvlərinin konsert proqramı ilə başa çatmışdır.