Heydər Əliyev Mərkəzində 9 May -“Qələbə günü”nə həsr olunmuş dəyirmi masa keçirildi
Yasamal rayon Heydər Əliyev Mərkəzində 9 May -“Qələbə günü”nə həsr olunmuş dəyirmi masa keçirildi. Dəyirmi masada 1 və 2 saylı Tibb Kolleclərinin tələbələri iştirak etdilər.
Tələbələr ilk əvvəl Mərkəzin “Muzey”, “Kitabxana və İnformasiya Texnologiyaları” bölmələri ilə tanış oldular.
Mərkəzin kiçik elmi işçisi G.Hüseynova İkinci Dünya Müharibəsi zamanı Azərbaycan xalqının həm ön cəbhədə, həm də arxa cəbhədə göstərdikləri qəhrəmanlıq və igidliklərdən, respublikamızın müharibədə inzibati və təbii resurslardan istifadəsi sayəsində qələbənin təmin olunmasından, müharibədən sonrakı illərdə dinc quruculuq sahəsində göstərdiyi rəşadətlərdən, həmçinin, müharibə veteranlarının gənclərin vətənpərvərlik və milli-mənəvi ruhda tərbiyə olunmasındakı rolundan bəhs edən məruzə ilə çıxış etdi.
İkinci Dünya Müharibəsindən bəhs edən filmə baxış keçirildi.
