Ulu öndər Heydər Əliyevin anadan olmasının 91-ci ildönümü ilə əlaqədar rayon ərazisində iməcilik keçirilmişdir

Ulu öndər Heydər Əliyevin anadan olmasının 91-ci ildönümü ilə əlaqədar Yasamal rayon İcra Hakimiyyəti tərəfindən təsdiq edilmiş tədbirlər planına uyğun olaraq keçirilən iməcilikdə rayon ərazisində fəaliyyət göstərən idarə, müəssisə və təşkilatların kollektivləri iştirak etmiş, Yasamal bələdiyyəsi, rayon Mənzil-Kommunal Təsərrüfat Birliyi, Mənzil-Kommunal-İstismar Sahələri tərəfindən rayonun mərkəzi yerləri, yaşayış binalarının ətrafı, mədəniyyət və istirahət parkları və digər ərazilərdə təmizlik işləri aparılmışdır.

Rayon İcra Hakimiyyəti Başçısı aparatının kollektivi tərəfindən Ə.Əhmədov küçəsi, 40 və 42 saylı evlərin, H.Zərdabi küçəsi, 87 saylı evin ətrafında 1300 kv. m. sahədə, Mətbuat prospekti, 22, 24 və 24 a saylı evlərin ətrafında 2800 kv. m. ərazidə abadlıq və təmizlik işləri aparılaraq ümumilikdə 500-ə yaxın ağac əkilmiş, M.Seyidov küçəsi, 14 saylı evin qarşısında təmizlik işləri aparılaraq 100 kv. m. divar aqlay daşı ilə üzlənmiş, 200 kv. m. suvaq işləri, 500 kv. m. rəngləmə işləri görülmüşdür.

Rayon  Mənzil-Kommunal Təsərrüfat Birliyi tərəfindən Mətbuat prospekti ilə N.Hikmət küçəsinin kəsişməsindəki 1,5 ha sahəsi olan parkda, 1,2 ha sahəsi olan H.Cavid parkında, sahəsi 300 kv. m. olan M.Müşfiq parkında və N.Nərimanov abidəsinin ətrafında 400 kv. m. sahədə təmizlik işləri görülmüşdür.

Bunlardan başqa, Yeni Yasamal yaşayış massivi, 97 saylı evin ətrafında təmizlik işləri görülmüşdür.

Rayon ərazisində xeyli sayda binaların fasadı rənglənmiş, kütləvi şəkildə yaşıllıqların suvarılması işləri aparılmışdır.

Ümumilikdə rayon ərazisində 35000  kv. m. sahədə abadlıq və təmizlik işləri görülmüş, 3000 kv. m.  sahədə suvarma işləri aparılmış, 2700  ədəd ağac, 3000 ədəd kol bitkiləri əkilmişdir. İməciliklərdə 7000 nəfər iştirak etmişdir.