Yasamal Rayon İcra Hakimiyyətinin başçısı Elşad Həsənov vətəndaşlarla görüş keçirib

30 mart 2022 | 11:00

Yasamal Rayon İcra Hakimiyyətinin başçısı Elşad Həsənov yerli sakinlər üçün növbəti səyyar qəbul keçirib. Sakinlərlə görüş 286 saylı tam orta məktəbdə baş tutub. Görüşdə Yasamal rayon İcra Hakimiyyəti başçısı aparatının məsul işçiləri, Yasamal bələdiyyəsinin, MKTB və kommunal xidmət sahələrinin rəhbərləri iştirak ediblər.

Görüşdə Yasamal rayon İcra Hakimiyyətinin başçısı Elşad Həsənov Yasamal sakinlərə müraciət edərək hansı problem və qayğılarla üzləşdikləri ilə maraqlandı və öz təklif və şikayətlərini bilavasitə ona bildiməyə çağırdı.

Növbə ilə söz alan vətəndaşlar orta məktəblərin təmiri, gənclərin asudə vaxtının təşkili, narkomaniya və cinayətkarlıqla mübarizə, parkinq və marşrut xətti problemi, su təchizatı, həyətlərin abadlaşdırılması, sahibsiz itlər və digər sosial məsələlərlə bağlı öz fikirlərini bildirdilər.Sakinləri narahat edən problemlər dinlənildi, qaldırılan məsələlər məsul şəxslərin iştirakı ilə araşdırılaraq həlli ilə bağlı Yasamal Rayon İcra Hakimiyyətinin başçısı tərəfindən tapşırıqlar verildi.

Keçidlər