Şriftin ölçüsü :

Saytın rəngi :

Yasamal rayon İcra Hakimiyyətinin başçısı Elşad Həsənovun sakinlərlə ilk səyyar qəbulu keçirildi

14 noyabr 2019 | 11:00

Noyabrın 12-də Azərbaycan Respublikasının Prezidenti cənab İlham Əliyevin sərəncamı ilə Yasamal rayon İcra Hakimiyyətinin başçısı təyin edildikdən sonra Elşad Həsənovun noyabrın 14-də sakinlərlə ilk səyyar qəbul-görüşü rayon İcra Hakimiyyəti başçısının 3 nömrəli sahə inzibati ərazi dairəsi üzrə nümayəndəliyinin ərazisində 150 saylı tam orta məktəbin akt zalında keçirildi. Səyyar qəbul-görüşdə rayon İcra Hakimiyyəti başçısı Aparatının məsul şəxsləri, rayon bələdiyyəsinin, xidmət sahələrinin rəhbərləri, ictimaiyyət nümayəndələri və 400 nəfərədək rayon sakini iştirak etdilər.

Yasamal rayon İcra Hakimiyyətinin başçısı E.Həsənov Azərbaycan Respublikası Prezidentinin ötən il keçirilmiş seçkilərindən dərhal sonra bəyan etdiyi çağırışlara uyğun olaraq imzaladığı fərman və sərəncamlar haqqında geniş məlumat verərək vətəndaşların rifahının yaxşılaşdırlması istiqamətində aparılan iqtisadi və sosial islahatları, onların əhəmiyyətini sakinlərin diqqətinə çatdırdı. E.Həsənov Azərbaycan Respublikasının Prezidenti cənab İlham Əliyevin yeni təyin olunmuş İcra Hakimiyyhəti başçılarını qəbul edərkən verdiyi tapşırıq və tövsiyyələrin tam həcmdə və yüksək keyfiyyətlə icra olunacağını, Yasamal rayonunda abadlıq-quruculuq, yenidənqurma işlərinin və əsaslı sosial infrastruktur layihələrin icrasının bundan sonra da davam etdiriləciyini bildirdi.

Qəbul-görüşdə çıxış edən rayon sakinləri bilavasitə Azərbaycan Respublikasının Prezidenti cənab İlham Əliyevin təşəbbüslərinə əsasən həyata kleçirilən iqtisadi və sosial islahatlara, struktur və kadr dəyişikliklərinə, bununla bərabər ölkədə və paytaxt Bakıda həyata keçirilən abadlıq-quruculuq işlərinə görə ölkə rəhbərliyinə minnətdarlıqlarını bildirdilər və onları narahat edən suallarla bağlı Yasamal rayon İcra Hakimiyyətinin başçısına müraciətlər etdilər.

Yasamal rayon İcra Hakimiyyətinin başçısı E.Həsənov sakinlərin çoxsaylı müraciətlərini, təklif və iradlarını dinlədikdən sonra bu müraciətlərin rayon İcra Hakimiyyətinin səlahiyyətləri çərçivəsində olanlarının həlli istiqamətində tədbirlərin həyata keçiriləcəyini, digər müraciətlərin onlara baxılmasının təmin olunması məqsədi ilə aidiyyəti üzrə istiqamətləndiriləcəyini bildirdi.

Yasamal rayon İcra Hakimiyyətinin başçısı xeyli müddət əvvəl yaranan və indiyədək aradan qaldırılmadığına görə mövcud olan problemlərin vaxtında və tam şəkildə həlli üçün Yasamal rayon İcra Hakimiyyəti tərəfindən vətəndaşlara hər bir köməklilklərin göstəriləcəyini bildirərək sakinləri narahat edən cari problemlərin müsbət həllini təmin etmək məqsədi ilə xidmət sahələrinin rəhbərlərinə yerində müvafiq tapşırıqlarını verdi.

 

 

Keçidlər