Şriftin ölçüsü :

Saytın rəngi :

Yasamal sakinləri icra başçısı tərəfindən qəbul edilib

06 fevral 2023 | 15:12

Azərbaycan Respublikasının Prezidenti cənab İlham Əliyevin vətəndaşların müraciətlərinin həlli ilə bağlı göstərişinə uyğun olaraq paytaxtın Yasamal rayonunda sakinlər qəbul edilib.

Yasamal Rayon İcra Hakimiyyətinin başçısı Elşad Həsənov yerli sakinləri qurumun inzibati binasında qəbul edib. Sakinləri salamlayan İcra Hakimiyyətinin başçısı Elşad Həsənov onlardan üzləşdikləri problemlər bərədə məlumat verməyi xahiş etdi. Söz alan Yasamal rayonunun sakinləri tikinti qaydaları, QHT-lərin fəaliyyəti, rayon üzrə qeydiyyat, 20 yanvar əlillərinin statusu, mənzil növbəsi, qəzalı evlərin təmiri, istismar  müddəti bitmiş yaşayış binalarının söküntüsü, məhəllədaxili yolların asfaltlanması, məşğulluq, ailədaxili məişət zorakılığı  və bir sıra sosial xarakterli məsələlər qaldırdılar.

İcra başçısı Elşad Həsənov qəbul zamanı müraciət edən rayon sakinlərini dinləyərək, onların problemlərinin aradan qaldırılmasına dair RİH əməkdaşlarına bir sıra göstərişlər verdi. Qəbul zamanı bəzi məsələlər yerindəcə həll edildi, icrası vaxt tələb edən müraciətlər isə araşdırılaraq həll edilməsi üçün icraata götürüldü.

 

Keçidlər